श्री महालक्ष्म्यष्टकं
ॐ नमस्तेस्तु महामाये श्रीपीठे सुर पूजिते।
शंख चक्र गदा हस्ते महालक्ष्मी नमोस्तुते || १ ||
नमस्ते गरुडारूढे कोलासुर भयंकरी |
सर्व पाप हरे देवी महालक्ष्मी नमोस्तुते || २ ||
सर्वज्ञे सर्ववरदे सर्व दुष्ट भयंकरी।
सर्व दुःख हरे देवी महालक्ष्मी नमोस्तुते || ३ ||
सिद्धि बुद्धि प्रदे देवी, भुक्ति मुक्ति प्रदायिनी।
मंत्र मूर्ति सदा देवी, महालक्ष्मी नमोस्तुते || ४ ||
आद्यन्त रहिते देवी आदिशक्ति महेश्वरी।
योगजे योग सम्भूते महालक्ष्मी नमोस्तुते || ५ ||
स्थूल सूक्ष्म महारौद्रे, महाशक्ति महोदरे।
सर्व पाप हरे देवी महालक्ष्मी नमोस्तुते || ६ ||
पद्मासन स्थिते देवी, परब्रह्म स्वरुपिणी।
परमेशी जगन्मातर्महालक्ष्मी नमोस्तुते || ७ ||
श्वेताम्बर धरे देवी, नानालङ्कार भुषिते।
जगतस्थिते जगन्मातर्महालक्ष्मी नमोस्तुते || ८ ||
महालक्ष्म्यष्टकं स्तोत्रं यः पठेद्भक्ति मान्नरः।
सर्व सिद्धि मवाप्नोति राज्यं प्राप्नोति सर्वदा || ९ ||
एककाले पठेनित्यं महापाप विनाशानम।
द्विकालं यः पठेनित्यं धनधान्य समन्वितः || १० ||
त्रिकालं यः पठेनित्यं महाशत्रु विनाशनम।
महालक्ष्मीर्भवे नित्यं प्रसन्ना वरदा शुभा || ११ ||
No comments:
Post a Comment